საფრანგეთის ატლანტის სანაპიროზე მდებარე ტურისტული ზონებიდან თითქმის 4 000 ადამიანის ევაკუაცია განხორციელდა

საფრანგეთის ატლანტის სანაპიროზე მდებარე ტურისტული ზონებიდან თითქმის 4 000 ადამიანის ევაკუაცია განხორციელდა.

მიზეზი ქარისა და ექსტრემალური სიცხის დაბრუნებაა, რაც საფრანგეთსა და ესპანეთში მძვინვარე ტყის ხანძრებთან მეხანძრეების ბრძოლას სერიოზულად ართულებს.

უსაფრთხოების მიზნით გაცემული ევაკუაციის ბრძანება ბორდოს დასავლეთით, ლაკანოს კურორტის გარშემო არსებულ კემპინგებს, დასასვენებელ კომპლექსებსა და განთავსების სხვა ობიექტებს შეეხო.

ამ ნაბიჯმა კიდევ უფრო გაამწვავა კრიზისი, რომელიც საფრანგეთის პრეზიდენტმა, ემანუელ მაკრონმა მეორე მსოფლიო ომის შემდეგ ქვეყნისთვის „ყველაზე მძიმე“ გამოწვევად შეაფასა.

სამშაბათს, ბორდოს კრიზისულ ცენტრში ვიზიტისას, მაკრონმა აღნიშნა: „მომდევნო კვირები ძალიან მძიმე იქნება და ჩვენ უნდა გავძლოთ“.