საფრანგეთში მორიგ ტყის ხანძარს ებრძვიან

საფრანგეთში ხანძრის კიდევ ერთი კერა გაჩნდა. ცეცხლი ხმელთაშუა ზღვის სანაპიროსთან მდებარე ქალაქ ფრეჟუსთან ახლოს, ტყის მასივს მოედო.

სტიქია 180 ჰექტარზე მძვინვარებს და ახლომდებარე დასახლებულ პუნქტებს ემუქრება, რის გამოც, რამდენიმე ოჯახმა საცხოვრებელი ადგილი იძულებით დატოვა. ფრანგული რივიერის მიმართულებით სარკინიგზო მიმოსვლა შეჩერდა. კლიმატის მონიტორინგის სამსახურის ცნობით, ხანძარი ძლიერმა სიცხემ გამოიწვია. რეგიონში ჰაერის ტემპერატურა +38 გრადუსს აღწევს.