საქართველოს დელეგაციამ ათენში მსოფლიოს უმსხვილეს საერთაშორისო საზღვაო გამოფენა-კონფერენციაში გამართულ შეხვედრებზე საქართველოს საზღვაო სექტორში მიმდინარე რეფორმები და საპორტო ინფრასტრუქტურის ინვესტიციები განიხილა

საქართველოს საზღვაო სექტორში მიმდინარე რეფორმები, ინვესტიციები საპორტო ინფრასტრუქტურაში - ეს საკითხები განიხილა საქართველოს დელეგაციამ ათენში მსოფლიოს უმსხვილეს საერთაშორისო საზღვაო გამოფენა-კონფერენციაში გამართულ შეხვედრებსა და პანელურ დისკუსიებზე.

დელეგაციამ შეხვედრები გამართა სხვადასხვა ქვეყნის საზღვაო ადმინისტრაციებისა და საერთაშორისო საზღვაო ორგანიზაციების, გემთმფლობელების, საზღვაო ბიზნესის წარმომადგენლებთან. განსაკუთრებული აქცენტი გაკეთდა ქართველი მეზღვაურების მაღალ პროფესიულ კვალიფიკაციასა და ქვეყნის მზარდ როლზე რეგიონულ საზღვაო ინდუსტრიაში. ასევე ილაპარაკეს ინფრასტრუქტურულ პროექტებზე, მათ შორის, ანაკლიის ღრმაწყლოვან ნავსადგურზე.