საქართველოს ეროვნული ნაკრები უეფა-ს ერთა ლიგის მესამე ტურში, ბუდაპეშტის „პუშკაშ არენაზე“ უნგრეთის ეროვნულ გუნდს დაუპირისპირდება. „ქრონიკის“ სიუჟეტი

საქართველოს ეროვნული ნაკრები უეფა-ს ერთა ლიგის მესამე ტურში, ბუდაპეშტის „პუშკაშ არენაზე“ უნგრეთის ეროვნულ გუნდს დაუპირისპირდება.

მატჩი 22:45 საათიდან დაიწყება. ცნობილია ეროვნული ნაკრების 23-კაციანი შემადგენლობა. ახალი მთავარი მწვრთნელის, რამაზ სვანაძის გადაწყვეტილებით, განაცხადს მიღმა დარჩა 5 ფეხბურთელი: საბა ხარებაშვილი, ილია ბერიაშვილი, გიორგი გაგუა, ვლადიმერ მამუჩაშვილი და ნოდარ ლომინაძე.

„სასიამოვნოა აქ დაბრუნება, რადგან კარგად მახსენდება ეს სტადიონი. რთულ გარემოს ველოდებით. ვიცით, რამდენად კარგი გულშემატკივრობა იციან უნგრეთში. ჯგუფში თითოეულ გუნდს აქვს შანსი, გავიდეს პირველ-მეორე ადგილზე.

ვფიქრობ, ჩვენ მზად ვართ. იდეალური გარემოა გუნდში და ვეცდებით, მაქსიმუმი ჩავდოთ მოედანზე. გავაკეთოთ ის, რაც გვინდა. მოვიპოვოთ სამი ქულა“, - განაცხადა საქართველოს ეროვნული ნაკრების კაპიტანმა, ხვიჩა კვარაცხელიამ.