საქართველოს კულტურის მინისტრმა, თინათინ რუხაძემ და თურქმენეთის მინისტრთა კაბინეტის თავმჯდომარის მოადგილემ, ბაჰარ სეიდოვამ კულტურის სფეროში თანამშრომლობის შესახებ მემორანდუმებს მოაწერეს ხელი
საქართველოს პრემიერ-მინისტრ ირაკლი კობახიძესა და თურქმენეთის პრეზიდენტ სერდარ ბერდიმუჰამედოვს შორის გამართული გაფართოებული ფორმატის შეხვედრის ფარგლებში, საქართველოს კულტურის მინისტრმა, თინათინ რუხაძემ და თურქმენეთის მინისტრთა კაბინეტის თავმჯდომარის მოადგილემ, ბაჰარ სეიდოვამ კულტურის სფეროში თანამშრომლობის შესახებ მემორანდუმებს მოაწერეს ხელი.
„საქართველოსა და თურქმენეთს შორის კულტურის სფეროში თანამშრომლობის შესახებ რამდენიმე მემორანდუმს მოეწერა ხელი. განსაკუთრებით მნიშვნელოვანია, რომ თანამშრომლობა კიდევ უფრო გაღრმავდება როგორც საგანმანათლებლო დაწესებულებებს, ისე თეატრებსა და მუზეუმებს შორის, რაც კულტურული გაცვლის შესაძლებლობას შექმნის. თურქმენეთის კულტურის დღეები ამ თანამშრომლობის კარგი მაგალითია. რუსთაველის ეროვნული თეატრი მაყურებლით იყო სავსე, კულტურის დღეები კი გრძელდება. ეს ორი ქვეყნის კულტურების წარმოჩენის კარგი შესაძლებლობაა”, - განაცხადა თინათინ რუხაძემ.
საქართველოს მთავრობის ადმინისტრაციაში დოკუმენტების გაცვლის ცერემონიას საქართველოს პრემიერ-მინისტრი, თურქმენეთის პრეზიდენტი, მინისტრთა კაბინეტის და დელეგაციის წევრები დაესწრნენ.
ინფორმაციას კულტურის სამინისტრო ავრცელებს.
იმედი
წყარო: imedinews.ge