საქართველოს სუმოს ახალგაზრდულმა ნაკრებმა ევროპის ჩემპიონატზე ასპარეზობა 15 მედლით დაასრულა

პოლონეთის დედაქალაქ ვარშავაში 21 და 23-წლამდელთა შორის სუმოს ევროპის ჩემპიონატი გაიმართა. საქართველოს სუმოს ახალგაზრდულმა ნაკრებმა 23-წლამდელთა შორის გუნდური პირველი ადგილი დაიკავა, ინდივიდუალურ ასპარეზობაში კი რვა - სამი ოქროს, ერთი ვერცხლისა და ოთხი ბრინჯაოს მედალი მოიპოვა.

21-წლამდელთა შორის ახალგაზრდული ნაკრები გუნდური ბრინჯაოს მედლის მფლობელი გახდა, ხოლო ინდივიდუალურ ასპარეზობაში ხუთი - ერთი ოქროს, სამი ვერცხლისა და ერთი ბრინჯაოს - მედალი მოიპოვა.

23-წლამდელთა შორის ლუკა ავაზაშვილმა +115 კილოგრამ წონით კატეგორიასა და აბსოლუტურ წონით კატეგორიაში მოიპოვა ჩემპიონობა; ჩემპიონი გახდა ასევე ავთო ლიკლიკაძე (- 77 კგ), დავით აბალაკმა + 115 კილოგრამ წონით კატეგორიაში ვერცხლის მედალი, ხოლო აბსოლუტურ წონით კატეგორიაში ბრინჯაო დაიმსახურა; ასევე ბრინჯაოს მფლობელები გახდნენ დავით აქუბარდია (- 92 კგ) და გიორგი ჭელიძე (- 100 კგ).

21-წლამდელთა შორის ევროპის ჩემპიონობა ავთო ლიკლიკაძემ (- 77კგ) იზეიმა, ვიცე-ჩემპიონები დავით აქუბარდია (- 92 კგ) და ნიკოლოზ აქუბარდია (- 65 კგ) გახდნენ, დავით აბალაკი კი აბსოლუტურ წონით კატეგორიაში ვერცხლის, ხოლო + 100 კილოგრამ წონით კატეგორიაში ბრინჯაოს მედლების მფლობელი გახდა.