საწვავზე ფასების ზრდის გამო, რობერტ ფიცომ ევროკავშირის რიგგარეშე სამიტის დაუყოვნებლივ მოწვევა მოითხოვა

საწვავზე ფასების ზრდის გამო სლოვაკეთის პრემიერ-მინისტრმა ევროკავშირის რიგგარეშე სამიტის დაუყოვნებლივ მოწვევა მოითხოვა. რობერტ ფიცოს განცხადებით, ავტოგასამართ სადგურებზე საწვავის გაძვირებით შექმნილი კრიტიკული ვითარება ევროპულ დონეზე გადაუდებელი ზომების მიღებას საჭიროებს.

ფიცომ ბრიუსელს მილიარდობით ევროთი უკრაინის მხარდაჭერის ნაცვლად, საკუთარი მოქალაქეების საჭიროებებსა და ყოველდღიურ პრობლემებზე ზრუნვისკენ მოუწოდა.

„ის ფაქტი, რომ ჩვენგან, როგორც წევრი სახელმწიფოებისგან, ითხოვენ საწვავზე ასტრონომიული ფასების კომპენსირებას პენსიებისა თუ ჯანდაცვის ხარჯზე, არა მხოლოდ ევროკავშირის უუნარობის, არამედ, უპირველეს ყოვლისა, მისი ცინიზმის გამოვლინებაა,“ - განაცხადა მან.