სეტყვამ და ძლიერმა ქარმა ახმეტის მუნიციპალიტეტის სოფლები დააზარალა - სპეციალური კომისია ზარალს ითვლის
იმედი|imedinews.ge
სეტყვამ და ძლიერმა ქარმა ახმეტის მუნიციპალიტეტის სოფლები დააზარალა. ზიანი მიადგა პანკისის ხეობის სოფელ საკობიანოსაც. სტიქიამ, რომელიც რამდენიმე წუთს გაგრძელდა, ვენახები, ერთწლიანი სამეურნეო კულტურები და ხეხილის ბაღები, ძლიერმა ქარმა კი სოფელ ალვანში საცხოვრებელი სახლების სახურავები დააზიანა. ახმეტის მერიაში შექმნილი სპეციალური კომისია ზარალს ამ დრომდე ითვლის.
„ჩართულია სამაშველო სამსახური, რომელიც გზებს წმენდს მოტეხილი ტოტებისა და წაქცეული ხეებისგან. ასევე, მერიის შესაბამისმა სამსახურებმა დეტალურად დაიწყეს სტიქიის შედეგების აღწერა და ზარალის შეფასება“, - განაცხადა ახმეტის მუნიციპალიტეტის მერმა, ალექსი ფიცხელაურმა.
გაზიარება:
იმედი
წყარო: imedinews.ge