შალვა გოგოლაძე: 2030 წლისთვის, სპორტულ ინფასტრუქტურაზე ხელმისაწვდომობის კუთხით ერთ-ერთი მოწინავე ქვეყანა ვიქნებით

2030 წლისთვის, სპორტულ ინფასტრუქტურაზე ხელმისაწვდომობის კუთხით ერთ-ერთი მოწინავე ქვეყანა ვიქნებით, - განაცხადა გადაცემაში „იმედი Live” საქართველოს სპორტის მინისტრმა შალვა გოგოლაძემ.

მინისტრის განმარტებით, საქართველოს მთავრობის მიზანია, რომ მომავალი 4 წლის განმავლობაში სპორტი ყველა მუნიციპალიტეტში ხელმისაწვდომი იყო.

„ბატონმა პრემიერმა წინასაარჩევნოდ დააანონსა და უკვე პროცესშია [პროექტი]. სექტემბრიდან ალბათ უკვე სხვადასხვა მუნიციპალიტეტებში ახალი, თანამედროვე, მულტიფუნქციური სპორტული კომპლექსების მშენებლობაზე ტენდერებს გავაფორმებთ. პროექტი არის 2 მლრდ ლარიანი, რომელიც ითვალისწინებს 64-ივე მუნიციპალიტეტში ახალი, თანამედროვე, მულტიფუნქციური კომპლექსების მშენებლობას. ამ კომპლექსებში შედის 64 ახალი, თანამედროვე საცურაო აუზი, სათამაშო მოედნები და ყველა ინდივიდუალური სპორტული დარბაზი, რომელიც ამა თუ იმ სპორტის სახეობას დააკმაყოფილებს“, - განაცხადა სპორტის მინისტრმა.