შალვა პაპუაშვილი: ჩვენ დანიელების ძღვენი არ გვჭირდება, არ გვჭირდება ისეთი დიალოგი, რომელშიც ჩვენი ქვეყნის ინტერესები უნდა დააზიანონ

78-ე მუხლი არის ჩვენი კონსტიტუციის ბოლო მუხლი, 78-ე მუხლამდე არის 77 მუხლი, სადაც წერია: მართლმადიდებელ ეკლესიას რა როლი აქვს ჩვენს სახელმწიფოებირობაში, რას ნიშნავს სუვერენიტეტი და ვინ ახორციელებს ხელისუფლებას, ამიტომ ჯერ 77 მუხლს სცენ პატივი და შემდეგ მოიკითხონ 78-ე მუხლი, - განაცხადა საქართველოს პარლამენტის თავმჯდომარემ შალვა პაპუაშვილმა ევროკავშირში საქართველოს გაწევრიანებაზე საუბრისას.

პაპუაშვილის თქმით, საქართველოს ევროკავშირთან არ სჭირდება ისეთი დიალოგი, სადაც ქვეყნის ინტერესები დაზიანდება.

„ჩვენ დანიელების ძღვენი არ გვჭირდება, ჩვენ არ გვჭირდება ისეთი დიალოგი, რომელშიც უნდა დააზიანონ ჩვენი ქვეყნის ინტერესები. 2024 წლის 28 ნოემბერს პრემიერის მიერ ეს ითქვა, რომ ჩვენ დანიელების ძღვენს არ მივიღებთ. როდესაც ამ მოლაპარაკებების, დიალოგის კონტექსტში შემოდიან და უნდათ, რომ ხელი აფათურონ ჩვენს ყველაზე მთავარ საკითხებში: ჩვენს ღირებულებებში, ჩვენს ფასეულობებში, ჩვენს მედიათავისუფლებაში, ხელი უნდა აფათურონ იმაზე, რაზეც ეს სახელმწიფო დგას, სწორედ ამას ჰქვია დანიელების ძღვენი.

ვისაც ჩვენთან დალაპარაკება უნდა, ისე, როგორც თანასწორთან, ჯერ დაეშვას ჩვენს თანასწორ სიმაღლეზე და მერე ვისაუბროთ დიალოგზე, მოლაპარაკებასა და ყველაფერზე“, - აღნიშნა შალვა პაპუაშვილმა.