შალვა პაპუაშვილი: გარდა ოფიციალური საუბრისა, ჩვენ გვქონდა ასევე შესაძლებლობა, რომ გვესაუბრა იმაზე, თუ რამდენად მნიშვნელოვანია პარლამენტარებს შორის პირადი ურთიერთობები და გაცვლა

მე იმედი მაქვს, რომ მალე შევძლებთ განხორციელდეს ჩინეთის პარლამენტის თავმჯდომარის ვიზიტი საქართველოში, - განაცხადა საქართველოს პარლამენტის თავმჯდომარემ, შალვა პაპუაშვილმა.

მისივე თქმით, პარლამენტის თავმჯდომარეებმა ისაუბრეს ორი ქვეყნის პარლამენტარებს შორის საქმიანი და პირადი ურთიერთობების მნიშვნელობაზე.

„გარდა ოფიციალური საუბრისა, ჩვენ გვქონდა ასევე შესაძლებლობა, რომ გვესაუბრა იმაზე, თუ რამდენად მნიშვნელოვანია პარლამენტარებს შორის პირადი ურთიერთობები და გაცვლა. მოვიწვიეთ დელეგაციები საქართველოში და მოვიწვიეთ პარლამენტის თავმჯდომარე. მისი პირველი რეაქცია მაიმედებს, რომ მალე იქნება შესაძლებელი ეს ვიზიტი განხორციელდეს.

ჩინეთის პარლამენტის თავმჯდომარეს დიდი ინტერესი აქვს საქართველოს და მისი კულტურის მიმართ. ჩვენ ორი უძველესი ცივილიზაცია ვართ და ამ მხრივ ვფიქრობ, რომ ეს ურთიერთ ინტერესი ბუნებრივიც არის“, - აღნიშნა შალვა პაპუაშვილმა.

შალვა პაპუაშვილი ჩინეთის პარლამენტის თავმჯდომარეს შეხვდა.