შალვა პაპუაშვილი თელავში სტიქიაზე: მასშტაბი იმხელა იყო, რომ რამდენიმე საათში ჩამოვიდა თითქმის ერთი თვის ნორმა ნალექის. თელავისხევის კალაპოტში არის მოწყობილი ნიაღვრისგან დამცავი სპეციალური ნაგებობები - სამი კასკადი, რომელმაც მთავარი დარტყმა აიღო თავის თავზე. დაზიანებას, რაც შეიძლება მოჰყოლოდა პრევენციული მექანიზმების გარეშე, ქალაქი ასცდა

მასშტაბი იმხელა იყო, რომ რამდენიმე საათში ჩამოვიდა თითქმის ერთი თვის ნორმა ნალექის. თელავისხევის კალაპოტში არის მოწყობილი ნიაღვრისგან დამცავი სპეციალური ნაგებობები - სამი კასკადი, რომელმაც მთავარი დარტყმა აიღო თავის თავზე. დაზიანებას, რაც შეიძლება მოჰყოლოდა პრევენციული მექანიზმების გარეშე, ქალაქი ასცდა, - განაცხადა პარლამენტის თავმჯდომარემ თელავის სტიქიაზე საუბრისას.

მისი თქმით, სტიქიის მასშტაბები იყო იმდენად დიდი, რომ, რომ არა დამცავი მექანიზმები ქალაქს სერიოზული ზიანი მიადგებოდა.

„აღსანიშნავია ის, რომ სტიქიის დროს გამართულად იმუშავა ყველა ყველა პრევენციულმა მექანიზმმა. იცით, რომ თელავისხევის კალაპოტში არის მოწყობილი ნიაღვრისგან დამცავი სპეციალური ნაგებობები - სამი კასკადი, რომელმაც მთავარი დარტყმა აიღო თავის თავზე. ის, რომ ხეები და მორები არ გამოვიდა ქალაქამდე სწორედ ამ დამცავი ნაგებობების დამსახურება არის. ის, რომ ღორღის ნაწილი გააჩერა, მისი დამსახურება არის. თვითონ მასშტაბი იმხელა იყო, რომ რამდენიმე საათში ჩამოვიდა თითქმის ერთი თვის ნორმა ნალექისა. აქედან გამომდინარე, რა თქმა უნდა, ქალაქშიც გადმოვიდა ღვარცოფი, თუმცა ამ მხრივაც დაზიანებას, რაც შეიძლება მოჰყოლოდა პრევენციული მექანიზმების გარეშე, ქალაქი ასცდა. მათ შორის დამცავი ნაგებობები თავის დროზე გაწმენდილი იყო და მწყობრში იყო.

აღსანიშნავია, რომ 24 საათში ძირითადი გზები გაიწმინდა. ინფრასტრუქტურა აღდგა. ახლა მიდის გაწმენდითი სამუშაოები, რომელსაც გარკვეული დრო დასჭირდება. თელავის გარდა დაზიანებულია სოფლებიც. ყველა კერას მიყვება სისტემურად, როგორც თავად მუნიციპალიტეტი, ისე ინფრასტრუქტურის სამინისტრო“, - განაცხადა შალვა პაპუაშვილმა.