შიო მესამე: ვერცერთმა ქარიშხალმა მისი უწმინდესობა და უნეტარესობა ილია მეორე ვერ შეაშინა, ვერ შეარყია. ასე უდრეკად მიისწრაფოდა ის უფლისკენ და მართავდა ეკლესიის ხომალდს

ილიაობის დღესასწაულთან დაკავშირებით, ყოვლადწმინდა სამების სახელობის საპატრიარქო ტაძარში, უწმინდესმა და უნეტარესმა, სრულიად საქართველოს კათოლიკოს-პატრიარქმა შიო III-მ წირვა აღავლინა. ლიტურგიის დასრულების შემდეგ პატრიარქმა გვარები დალოცა.

ამასთან, სიონის საპატრიარქო ტაძარში პატრიარქი ნეტარხსენებულ კათოლიკოს-პატრიარქ ილია II-ის სულის მოსახსენებელ პანაშვიდს გადაიხდის.

„გილოცავთ ილიაობას. დღეს არის წმინდა წინასწარმეტყველ ილია თეზბიტელის ხსენება. დღეს არის ასევე წმინდა ილია მართლის ხსენება და ამ დღეს ჩვენ ყოველთვის ვიკრიბებოდით და ვულოცავდით სრულიად საქართველოს კათოლიკოს-პატრიარქ ილია მეორეს ანგელოზის დღეს. 3 დიდი მოღვაწე, დიდი მოშურნეობით იცავდნენ ჭეშმარიტ სარწმუნოებას, სულიერ და ეროვნულ ღირებულებებთან მებრძოლ ძალებს და შეიძლება ითქვას, რომ გადამწყვეტი როლი შეასრულეს ღირებულებების გადარჩენის საქმეში. მიუხედავად მრავალი ქარიშხლისა, რომელიც თავს დაატყდა საქართველოს, ჩვენს ეკლესიას, კათოლიკოს-პატრიარქ ილია მეორის წინამძღოლობის პერიოდში, ვერცერთმა ამ ქარიშხალმა მისი უწმინდესობა და უნეტარესობა ვერ შეაშინა, ვერ შეარყია და ასე უდრეკად მიისწრაფოდა ის უფლისკენ და მართავდა ეკლესიის ხომალდს“, - განაცხადა შიო მესამემ.