სი ძინპინი აშშ-ში სახელმწიფო ვიზიტით 23 სექტემბერს ჩავა
იმედი|imedinews.ge
ჩინეთის საგარეო საქმეთა სამინისტროს განცხადებით, ჩინეთის ლიდერის, სი ძინპინის ვიზიტი შეერთებულ შტატებში ორ ქვეყანას შორის ურთიერთობების განმტკიცებას ისახავს მიზნად.
„ჩინეთის ლიდერი პრეზიდენტ ტრამპთან სიღრმისეულად გაცვლის მოსაზრებებს ჩინეთ-აშშ-ის ურთიერთობების ძირითად საკითხებზე, ისევე როგორც მსოფლიო მშვიდობასა და განვითარებაზე“, - აღნიშნეს უწყებაში.
ჩინეთის ლიდერი ამერიკაში 23 სექტემბერს გაემგზავრება და ამერიკელ კოლეგასთან ორმხრივ ურთიერთობებსა და გლობალურ უსაფრთხოებაზე პირისპირ მოლაპარაკებებს გამართავს. ანალიტიკოსების შეფასებით, სამიტის მთავარი თემები ვაჭრობა და ხელოვნური ინტელექტი იქნება. ექსპერტები ვარაუდობენ, რომ მხარეები სავაჭრო უთანხმოების მოგვარებას შეეცდებიან.
გაზიარება:
იმედი
წყარო: imedinews.ge