Sky News: ჯანი ინფანტინო ფიფას პრეზიდენტის პოსტზე მხარდაჭერას სწრაფად კარგავს
Sky News-ის ინფორმაციით, ჯანი ინფანტინო ფიფას პრეზიდენტის პოსტზე მხარდაჭერას სწრაფად კარგავს. ეს მას შემდეგ მოხდა, რაც ევროპულმა ქვეყნებმა მსოფლიო ჩემპიონატის ბოიკოტირება დააანონსეს იმ შემთხვევისთვის, თუ ის ტურნირის ნაწილის კერძო ინვესტორებზე გაყიდვას გადაწყვეტს.
მას შემდეგ, რაც ჩრდილოეთ ამერიკის CONCACAF-იც შეუერთდა UEFA-ს და საჯაროდ უარყო მსოფლიო ჩემპიონატის წილის გაყიდვის იდეა, ჯანი ინფანტინოს წამოწყებას უკვე საფეხბურთო ასოციაციების, სულ მცირე, 90 წევრი უპირისპირდება (211-დან).
Sky News-ის ინფორმაციით, მსოფლიო ფეხბურთში სულ უფრო მყარდება აზრი, რომ ინფანტინო ამ მორიგ სკანდალს ვერ გადაურჩება, რადგან წევრ ასოციაციებში ფიფას წინააღმდეგ ღია ამბოხია დაწყებული.
წყაროს ცნობით, CONCACAF-ის 41 წევრიდან უმრავლესობა ინფანტინოსადმი ნდობას კარგავს ან უკვე დაკარგული აქვს. როგორც ცნობილია, ეს განწყობა მკაფიოდ გამოიკვეთა გადაუდებელი ონლაინ შეხვედრისას გამართულ დისკუსიებში.
იმედი
წყარო: imedinews.ge