სომხეთში სომხების შეურაცხყოფის გამო რუსი ბლოგერის წინააღმდეგ სისხლის სამართლის საქმე აღძრეს
სომხეთის საგამოძიებო კომიტეტმა რუსი ბლოგერის ნადეჟდა პიროჟკოვას წინააღმდეგ სისხლის სამართლის საქმე აღძრა მას შემდეგ, რაც მან სოციალურ ქსელში ვიდეორგოლი გამოაქვეყნა, სადაც სომხებს „ვარდავარის“ დღესასწაულის გამო შეურაცხყოფას აყენებდა. ინფორმაციას სომხური მედია ავრცელებს.
მედიის ცნობით, 14 ივლისს პიროჟკოვამ Instagram-ში გამოაქვეყნა ვიდეო, რომელშიც მკაცრად აკრიტიკებდა ეროვნულ დღესასწაულს „ვარდავარს“, რა დროსაც ქუჩებში ადამიანები ერთმანეთს წყალს ასხამენ.
რუს ბლოგერს წყლის შესხმა არ მოეწონა. მისი აზრით, ადამიანს, რომელსაც დღესასწაულში მონაწილეობის მიღება არ სურს, წყალი არ უნდა შეასხან. პიროჟკოვამ ვიდეოში სომეხ ხალხს „ვირთხა“ უწოდა. ვიდეომ სომხურ საზოგადოებაში დიდი აჟიოტაჟი გამოიწვია.
მოგვიანებით რუსმა ბლოგერმა საჯაროდ ბოდიში მოიხადა და აღნიშნა, რომ სომეხი ერის შეურაცხყოფა არ უნდოდა.
რუსი ბლოგერს სომხეთში ერთიდან ოთხ წლამდე პატიმრობა ემუქრება.
იმედი
წყარო: imedinews.ge