სოფლის მეურნეობის სახელმწიფო ლაბორატორიას გაეროს სურსათისა და სოფლის მეურნეობის ორგანიზაციის ექსპერტი ეწვია

აკვაკულტურის განვითარების მიმართულებით ლაბორატორიული შესაძლებლობების შეფასებისა და დარგში არსებული საჭიროებების განსაზღვრის მიზნით, სოფლის მეურნეობის სახელმწიფო ლაბორატორიას გაეროს სურსათისა და სოფლის მეურნეობის ორგანიზაციის ექსპერტი ბენუა გლაუდი ეწვია.

ვიზიტის მიზანი საქართველოში აკვაკულტურის სექტორში არსებული ლაბორატორიული ინფრასტრუქტურის, დიაგნოსტიკური შესაძლებლობებისა და მიმდინარე კვლევების შეფასება, ასევე მათი ევროკავშირის მოქმედ სტანდარტებთან შესაბამისობის განსაზღვრა იყო. მიღებული შეფასებები ხელს შეუწყობს სამომავლო თანამშრომლობის გაღრმავებასა და ლაბორატორიული მიმართულებების განვითარების გეგმების შემუშავებას, რაც მიზნად ისახავს საქართველოში აკვაკულტურის სექტორის ეფექტიანობის ამაღლებასა და სურსათის უვნებლობის სისტემის გაძლიერებას.