სტატისტიკოსი ნოდარ კაპანაძე: ევროპას ძალიან სჭირდება შუა აზია და მისი რესურსები - ამ რესურსების გადაზიდვის ერთადერთი ჰაბი არის საქართველო, რაც ჩვენთვის ძალიან მნიშვნელოვანია

ევროპას ძალიან სჭირდება შუა აზია და მისი რესურსები. ამ რესურსების გადაზიდვის ერთადერთი ჰაბი არის საქართველო, რაც ჩვენთვის ძალიან მნიშვნელოვანია, - განაცხადა სტატისტიკოსმა ნოდარ კაპანაძემ გადაცემაში „დღის ქრონიკა“.

მისი თქმით, შუა აზიის ქვეყნებისთვის ევროპასთან კომუნიკაციის ერთადერთი ჰაბი დარჩა საქართველო.

„სამხრეთით არის ავღანეთი და ირანი, იქ რა მდგომარეობაა, ამას ახსნა არ სჭირდება. ჩრდილოეთით არის მეორე მარშრუტი აბრეშუმის გზის: რუსეთი და უკრაინა, აქაც ყველაფერი გასაგებია, შეიძლებოდა ბელორუსის გავლით, მაგრამ ბელორუსისა და პოლონეთის ურთიერთობების შესახებაც გასაგებია. შუა აზიისთვის ერთადერთი ჰაბი არის ეს ევროპასთან სავაჭრო ურთიერთობისთვის. ახლა ევროპას უფრო სჭირდება შუა აზია თუ შია აზიას უფრო სჭირდება ევროპა, რომლისთვისაც სასიცოცხლოდ აუცილებელია მინერალ-წიაღისეულ რესურსებზე წვდომა?“ - აღნიშნა სტატისტიკოსმა.