თამარ მახარაშვილი: თუ ადრე დაწყებითის მასწავლებელს 13 საათი ჰქონდა, ეროვნულ სასწავლო გეგმაში შეტანილი ბოლო ცვლილებების მიხედვით, მათ საათების რაოდენობა ეზრდებათ

24 ლარი საათში მიეცემა ნებისმიერი სტატუსის მასწავლებელს, ხოლო დანამატი 150 და 300 ლარი წამყვანისა და მენტორის კონკრეტული ფუნქციის შესრულებაში, - განაცხადა გადაცემაში „ღია ეთერი“ საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილმა.

„დაწყებითის მასწავლებლებს ჰქონდათ ნაკლები საათი, ეროვნულ სასწავლო გეგმაში შეტანილი ბოლო ცვლილებების მიხედვით, დაწყებით კლასში, პირველ კლასში ქართულისა და მათემატიკის საათების რაოდენობა გაიზარდა, „მე და საზოგადოება“ საგნის სწავლების უფლება მიეცათ დაწყებითის მასწავლებლებს და ეს ნიშნავს იმას, რომ თუ ადრე დაწყებითის მასწავლებელს 13 საათი ჰქონდა, მათ საათების რაოდენობა ეზრდებათ“, - აღნიშნა მინისტრის მოადგილემ.