„თავს ვგრძნობ მოტყუებულად, იმიტომ რომ არ ვიცოდი სად მივდიოდი, ვიცოდი, რომ რაღაც პატარა კონცერტი უნდა ჩატარებულიყო“ - როგორ მოხვდა აპარატურა რუსთაველზე? „ქრონიკის“ რეპორტაჟი
„ქრონიკა“ დაუკავშირდა იმ მანქანის მძღოლს, რომელმაც აქციაზე ტექნიკა მიიტანა. როგორც ირაკლი დუდაშვილმა აღნიშნა, ის მოატყუეს და უთხრეს, რომ ტექნიკა კონცერტისთვის სჭირდებოდათ. მისივე თქმით, ამ საკითხზე მას ელენე ხოშტარიას პარტიის წევრი დაუკავშირდა.
„თავს ვგრძნობ მოტყუებულად, იმიტომ, რომ არ ვიცოდი სად მივდიოდი, მე ვიცოდი, რომ რაღაც პატარა კონცერტივით უნდა ჩატარებულიყო.
სიტუაცია ასე იყო, რომ მე გაგარიდებ ამ ხალხსო, 2-3 კილომეტრია გასავლელი, აქვე, მანქანაზე დარჩება დინამიკებიო და 2-3 საათის მერე წამოვალთ უპრობლემოდო. რომ შევედი მანქანით, უკან გასასვლელი გზა ჩაიკეტა და მოვხვდი ხალხში“, - განაცხადა დუდაშვილმა.
ამასთან, მან „ქრონიკას“ უთხრა, რომ თანხის აღებაზე, რომელიც მისთვის შეგროვდა, უარი განაცხადა:
„არ ვიცოდი რომ თანხას აგროვებდნენ, დავურეკე და ვუთხარი, არ მინდა-მეთქი“.
ოპოზიციამ დაადასტურა, რომ დაწერილ გეგმას მიჰყვება. ჩეხი კონსულტანტის გზამკვლევი მედიამ აქციის დაწყებამდე გაასაჯაროვა, შეკრების ორგანიზატორებმა კი მითითებები ზედმიწევნით შეასრულეს და ნაწილმა ისიც აღნიშნა, რომ ეს დავალებული ჰქონდა.
მოტყუებული მძღოლის კომენტარი, სოც. ქსელში აქტივობისა და ფინანსური დახმარების მოწოდებები - ვრცლად მეგი ნარსავიძის რეპორტაჟში:
იმედი
წყარო: imedinews.ge