,,თბილისის აეროპორტის“ მებაჟე ოფიცრებმა არადეკლარირებული ოქროს მონეტების შემოტანის ფაქტი აღკვეთეს

ფინანსთა სამინისტროს შემოსავლების სამსახურის სგპ ,,თბილისის აეროპორტის“ მებაჟე ოფიცრებმა უცხო ქვეყნის მოქალაქის, კუთვნილი ხელბარგის დეტალური დათვალიერების შედეგად, აუცილებელ დეკლარირებას დაქვემდებარებული 5 ცალი ოქროს მონეტა (საერთო წონით 71 გრამი) აღმოაჩინეს. აღნიშნული საქონლის საერთო საბაჟო ღირებულებამ 24 840 ლარი შეადგინა. კანონდამრღვევი მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა. ინფორმაციას ფინანსთა სამინისტროს შემოსავლების სამსახური ავრცელებს.