თეა ონიანი აწყურის ტაძარზე: ერთ-ერთი პირველი საკათედრო ტაძარი საქართველოში, რომელიც სვეტიცხოვლის აგებამდე იყო ყველაზე დიდი თავისი მოცულობით, სრულიად დაიბრუნებს თავის იერსახეს და ეს იქნება ძალიან მნიშვნელოვანი მოვლენა, კულტურული მემკვიდრეობის თვალსაზრისით

ერთ-ერთი პირველი საკათედრო ტაძარი საქართველოში, რომელიც სვეტიცხოვლის აგებამდე იყო ყველაზე დიდი თავისი მოცულობით, სრულიად დაიბრუნებს თავის იერსახეს და ეს იქნება ძალიან მნიშვნელოვანი მოვლენა, კულტურული მემკვიდრეობის თვალსაზრისით, - განაცხადა გადაცემაში „იმედის კვირა“ კულტურული მემკვიდრეობის დაცვის ეროვნული სააგენტოს ხელმძღვანელმა თეა ონიანმა აწყურის ღვთისმშობლის მიძინების ტაძარზე საუბრისას.

მისივე თქმით, აწყურის ტაძარი იქნება აღდგენილი, რესტავრირებული უნიკალური ნაგებობა თავისი ისტორიული, არქიტექტურული, მხატვრული მნიშვნელობით და აღდგება უმნიშვნელოვანესი სასულიერო კერა, ის დაიბრუნებს თავის ფუნქციას.

„ფონდი „ქართუ“ იყო ერთ-ერთი პირველი კერძო ორგანიზაცია, რომელმაც გამოხატა სრული მზაობა იმისთვის, რომ ჩართულიყო ძეგლების რეაბილიტაციის პროცესში. ეს იქნება მომავალი თაობებისთვის ჩვენი წინაპრების ტრადიციის გამეორება, რომ ასეთი უმნიშვნელოვანესი ძეგლები არა ნანგრევის სახით, არამედ მისი სრული დიდებულებით გადავცეთ მომავალ თაობებს“, - აღნიშნა თეა ონიანმა.