ტეილორ სვიფტმა ახალი სიმღერა დააანონსა

ამერიკელმა მომღერალმა ტეილორ სვიფტმა ახალი სინგლი Patient Zero დააანონსა, რომელიც 25 სექტემბერს გამოვა.

„სულმოუთქმელად ველოდებოდი შესაძლებლობას, თქვენთვის მეთქვა: ჩემი ახალი სინგლი Patient Zero 25 სექტემბერს გამოვა“, - დაწერა სვიფტმა სოციალურ ქსელში.

სინგლის დასახელება მომღერალმა ფარული მინიშნებებით დააანონსა - მათ შორის, სოციალურ ქსელში პროფილის აღწერაში ასო O ციფრ 0-ით შეცვალა. ტეილორ სვიფტის თაყვანისმცემლები უკვე მსჯელობენ, თუ რას შეიძლება ნიშნავდეს ეს ყველაფერი.

უკვე რამდენიმე თვეა, ვრცელდება ჭორები, რომ მომღერალი სადებიუტო ალბომის 20 წლისთავთან დაკავშირებით ხელახლა ჩაწერილი ვერსიის Taylor Swift (Taylor's Version) გამოშვებას გეგმავდა. თუმცა, ყველა ნიშანი იმაზე მიუთითებს, რომ ახალი სინგლი ამ თარიღთან დაკავშირებული არ არის და უშუალოდ ეხმაურება Life of a Showgirl-ის ეპოქას. სავარაუდოდ, Patient Zero გახდება უფრო მასშტაბური პროექტის ნაწილი, რომელიც 2025 წლის ალბომის ისტორიას 2026 წელსაც გააგრძელებს.