თენგიზ შარმანაშვილი რადიკალების სპეკულაციებზე: ნებისმიერ ნაბიჯს, რომელსაც გადადგამს ივანიშვილი, გააკეთებენ ამას. უდავო საკითხებსაც ედავებიან. რატომ? იმიტომ, რომ ასეთი მითითება აქვთ მიცემული, არცერთი ნაბიჯი არ შეაფასონ დადებითად
ნებისმიერ ნაბიჯს, რომელსაც გადადგამს ივანიშვილი, გააკეთებენ ამას, უდავო საკითხებსაც ედავებიან, - განუცხადა „ქრონიკას“ თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ, თენგიზ შარმანაშვილმა რადიკალების სპეკულაციებთან დაკავშირებით.
კერძოდ, საქველმოქმედო ფონდ „ქართუსა" და სახელმწიფო ქონების ეროვნულ სააგენტოს შორის შეთანხმება შედგა, რომლის თანახმად, „ციცინათელას" პარკთან მდებარე არასასოფლო-სამეურნეო დანიშნულების მიწის ნაკვეთი, შპს „აკვა ცენტრისგან" შეიძინა ფონდმა „ქართუმ" და იგი სახელმწიფოს უსასყიდლოდ გადასცა. ეს ტერიტორია არსებულ გასართობ სივრცეს შეუერთდება, შედეგად კი, შეიქმნება ერთიანი, მასშტაბური ტურისტული კომპლექსი. მორიგ ქველმოქმედებას ოპოზიციის მხრიდან ისევ სპეკულაციები და დეზინფორმაცია მოყვა.
შარმანაშვილის თქმით, ასეთი მითითება აქვთ მიცემული, რომ არცერთი ნაბიჯი არ შეაფასონ დადებითად.
„ნებისმიერ ნაბიჯს, რომელსაც გადადგამს ივანიშვილი, გააკეთებენ ამას. უდავო საკითხებსაც ედავებიან. რატომ? იმიტომ, რომ ასეთი მითითება აქვთ მიცემული, არცერთი ნაბიჯი არ შეაფასონ დადებითად, რაც არ უნდა შინაგანად ხვდებოდნენ, რომ ამის წინააღმდეგ არანაირი არგუმენტი არ გაქვს. ეს არის ამათი სტილი. ტყუილის დამკვიდრება, დაბულინგება. იმდენად დიდი ტყუილია, როგორ უნდა გაამართლონ, ან ქოთანს საიდან უნდა მოაბან ყური, თქვან რომ ფულის შოვნა დაიწყო იმით, რომ უზარმაზარი თანხის მიწა შეიძინეს და შემდეგ სახელმწიფოს აჩუქეს. ეს არის მორიგი ტყუილი, რომელმაც ვერ გაძლო 24 საათიც კი“, - აღნიშნა მან.
იმედი
წყარო: imedinews.ge