თენგიზ შარმანაშვილი სააკაშვილის განცხადებაზე: მინდა გამეცინოს, მაგრამ სატირალია, რა პრემიერ-მინისტრობის კანდიდატობაზე ვლაპარაკობთ, კაცი ციხეშია და მისჯილი აქვს
მინდა, რომ გამეცინოს, მაგრამ სატირალია, რა პრემიერ-მინისტრობის კანდიდატობაზე ვლაპარაკობთ, კაცი ციხეშია და მისჯილი აქვს, - განაცხადა თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ თენგიზ შარმანაშვილმა.
მანვე აღნიშნა, რომ სააკაშვილი საქართველოს მოქალაქე არ არის და საქართველოს კონსტიტუციით პრემიერ-მინისტრი ვერ გახდება.
„ხანდახან მგონია, რომ რაღაც ზღაპარში ვართ. რა პრემიერ-მინისტრობის კანდიდატობაზე ვლაპარაკობთ. კაცი არის ციხეში, მისჯილი აქვს და თან საქართველოს მოქალაქე არ არის და საქართველოს კონსტიტუციით ვერ გახდება პრემიერ-მინისტრი. მინდა გამეცინოს, მაგრამ სატირალია. ის პრემიერ-მინისტრი ლაპარაკობს, რომ ჩემი ავატარი უნდა დამზადდეს, რომელიც ჩემზე უკეთესი იქნება შესახედავად, მაგრამ აზრები ჩემი ექნებაო. ამას სერიოზულად განიხილავს. თანამედროვე ტექნოლოგიების შემოტანას რა ჯობიაო. არც მინდა, რომ ამაზე სერიოზულად ვისაუბრო", - აღნიშნა შარმანაშვილმა.
იმედი
წყარო: imedinews.ge