თენგიზ ვერულავა: ის, რომ საქართველოში 3 წლის წინ დაიწყო რეფერენტული ფასწარმოქმნა, ეს ძალიან კარგია

მედიკამენტების რეგულირება არ არის ერთკომპონენტიანი, ის მოიცავს მრავალ კომპონენტს. ის, რომ საქართველოში 3 წლის წინ დაიწყო რეფერენტული ფასწარმოქმნა, ეს ძალიან კარგია. თავიდან იყო 1 100, ახლა არის 7 800, დინამიკა არის ძალიან კარგი, მაგრამ ეს არის ერთი კომპონენტი, ამას უნდა მოყვეს სხვა კომპონენტიც, - განაცხადა ჯანდაცვის პოლიტიკის ცენტრის დირექტორმა, თენგიზ ვერულავამ გადაცემაში „ღია ეთერი - დებატები“.

მისივე თქმით, სახელმწიფოს მხრიდან მედიკამენტების უზრუნველყოფის დინამიკა კიდევ უნდა გაიზარდოს.

„საქართველოში მილიარდ ორასი მილიონი იხარჯება მედიკამენტებზე, ამ დროს სახელმწიფოს ხელშეწყობა არის მხოლოდ 95 მილიონი. წინა წლებში იყო 20 მილიონი და გაიზარდა 95-მდე, დინამიკა მზარდია, მაგრამ სახელმწიფოს მხრიდან ეს არის ძალიან ცოტა მედიკამენტების უზრუნველყოფასთან დაკავშირებით. დინამიკა სწორედ აქეთკენ უნდა იყოს - მედიკამენტების მოცვა კი ფართოვდება, მაგრამ კიდევ უფრო მეტად უნდა გაფართოვდეს“, - აღნიშნა თენგიზ ვერულავამ.