The New York Times: ხუთშაბათს ნავთობის ფასმა ბარელზე 105 დოლარს გადააჭარბა, რაც ბოლო თვეების განმავლობაში ყველაზე მაღალი მაჩვენებელია

ხუთშაბათს ნავთობის ფასმა ბარელზე 105 დოლარს გადააჭარბა, რაც ბოლო თვეების განმავლობაში ყველაზე მაღალი მაჩვენებელია, - წერს ამერიკული გამოცემა The New York Times-ი.

პარალელურად, აქციებისა და ობლიგაციების ფასები მკვეთრად შემცირდა, რადგან გეოპოლიტიკურმა გაურკვევლობამ და ინფლაციურმა შიშებმა ინვესტორთა განწყობაზე უარყოფითი გავლენა იქონია.

ენერგორესურსებზე ფასების ზრდა ქმნის საყოველთაო ინფლაციის რისკს, რაც კიდევ უფრო მძიმე მდგომარეობაში აყენებს ისედაც რთულ ვითარებაში მყოფ მომხმარებლებსა და ბიზნესებს.

ინვესტორები მოუთმენლად ელიან აშშ-ის ინფლაციის შესახებ კრიტიკულად მნიშვნელოვან ანგარიშს, რომელიც პარასკევს გამოქვეყნდება. აღნიშნულმა მონაცემებმა შესაძლოა განსაზღვროს მოლოდინები მომდევნო კვირას დაგეგმილ ფედერალური რეზერვის შეხვედრაზე საპროცენტო განაკვეთთან დაკავშირებით.

ფიუჩერსების ბაზრის მონაცემებით, ტრეიდერები მიიჩნევენ, რომ ფედერალური რეზერვის მიერ განაკვეთის გაზრდის ალბათობა საკმაოდ მაღალია.