The Sun: კრიშტიანუ რონალდუ მხატვრულ სერიალზე მუშაობს
კრიშტიანუ რონალდუ გადაღებების მოედანზე გამოდის - პორტუგალიელი ფეხბურთელი მხატვრულ ტელესერიალში გამოჩნდება. ის პროექტში Day 1s ითამაშებს და მისი აღმასრულებელი პროდიუსერიც გახდება.
The Sun-ის ცნობით, სერიალი მოგვითხრობს გამოგონილ ბრიტანელ საფეხბურთო აგენტზე, სტენლი დალტონზე, რომლის როლსაც „სამშობლოსა“ და „მილიარდების“ ვარსკვლავი დემიენ ლუისი შეასრულებს. პროექტის იდეა ცნობილ საფეხბურთო აგენტს, დარენ დეინს ეკუთვნის, გადაღებები კი ლონდონში უკვე მიმდინარეობს. რონალდუსთან ერთად სერიალში ასევე გამოჩნდება საფრანგეთის ნაკრების ყოფილი თავდამსხმელი ტიერი ანრი.
რონალდუსთვის ეს მხატვრულ კინოში პირველი სრულფასოვანი სამსახიობო ნამუშევარია. სერიალი გახდება სტუდია UR•Marv Studios-ის სადებიუტო სატელევიზიო პროექტი, რომელიც ფეხბურთელმა რეჟისორ მეთიუ ვონთან ერთად შექმნა. ბრიტანული მედიის ცნობით, პროექტმა უკვე გამოიწვია დიდი ინტერესი სტრიმინგ-პლატფორმებში და შესაძლოა, ჩვენების უფლებებისთვის სერიოზული ბრძოლის საგანი გახდეს.
იმედი
წყარო: imedinews.ge