„თიბისი ბანკი“ ლეიკემიით დაავადებულთა თემაზე ხუმრობის შესახებ: ჩვენ არ ვერევით გადაცემის სარედაქციო პოლიტიკაში. ჩვენი პოზიციაა, რომ მსგავსი თემები განსაკუთრებულ სიფრთხილესა და პასუხისმგებლობას მოითხოვს და მათზე ხუმრობა მიუღებელია

ჩვენ არ ვერევით გადაცემის სარედაქციო პოლიტიკაში. ჩვენი პოზიციაა, რომ მსგავსი თემები განსაკუთრებულ სიფრთხილესა და პასუხისმგებლობას მოითხოვს, - განაცხადეს ლეიკემიით დაავადებულთა დისკრედიტაციასთან დაკავშირებით „თიბისი ბანკში“.

„აღნიშნულ საკითხზე „ოკტოპუსმა“ უკვე გააკეთა განცხადება. ჩვენ არ ვერევით გადაცემის სარედაქციო პოლიტიკაში. ჩვენი პოზიციაა, რომ მსგავსი თემები განსაკუთრებულ სიფრთხილესა და პასუხისმგებლობას მოითხოვს და მათზე ხუმრობა მიუღებელია“, - აღნიშნავენ ბანკში.

საქმე ეხება იუმორისტულ გადაცემას, სადაც, როგორც ონკოპაციენტების ოჯახის წევრები აცხადებენ, ლეიკემიის მქონე პაციენტების დისკრედიტაცია და მკურნალობის პროცესში ქიმიოთერაპიის გვერდითი ეფექტი სასაცილოდაა წარმოჩენილი. პროექტი TBC ბანკის მიერაა დაფინანსებული.