თინათინ ნიბლოშვილმა მოსწავლეებსა და პედაგოგებს ახალი სასწავლო წლის დაწყება მიულოცა
თბილისის საკრებულოს თავმჯდომარის მოადგილე თინათინ ნიბლოშვილი, ახალი სასწავლო წლის დაწყებასთან დაკავშირებით, დედაქალაქის N190 საჯარო სკოლას ეწვია. მან მოსწავლეებს, პედაგოგებსა და მშობლებს სასწავლო წლის დაწყება მიულოცა და წარმატებული სასწავლო წელი უსურვა.
საკრებულოს თავმჯდომარის მოადგილის თქმით, განათლების სისტემის მხარდაჭერა და მოსწავლეებისთვის ღირსეული პირობების შექმნა ხელისუფლების უცვლელ პრიორიტეტს წარმოადგენს. მისივე განცხადებით, განუწყვეტლივ მიმდინარეობს ზრუნვა სასკოლო ინფრასტრუქტურის გაუმჯობესებისთვის და თანამედროვე, უსაფრთხო საგანმანათლებლო გარემოს უზრუნველსაყოფად.
„ახალი სასწავლო წელი თითოეული ჩვენგანისთვის განსაკუთრებულ ემოციებთან და პასუხისმგებლობასთან არის დაკავშირებული. წელს საკუთარი შვილი მეც გავაცილე სკოლაში და მიხარია, რომ ამ მნიშვნელოვან დღეს კვლავ თქვენთან ერთად ვხვდები. სკოლა, სასკოლო განათლება არის ცოდნის, განვითარებისა და მომავლისკენ გადადგმული მნიშვნელოვანი ნაბიჯი.
ყველას გისურვებთ წარმატებულ და ნაყოფიერ სასწავლო წელს ამ ძალიან კარგ სკოლაში, სადაც თითოეული თანამშრომელი მოსწავლეებისთვის საუკეთესო გარემოს ქმნის. ყველა მოსწავლეს კი ბედნიერ, ლაღ ბავშვობას და წარმატებულ წელს ვუსურვებ“, - განაცხადა თინათინ ნიბლოშვილმა.
იმედი
წყარო: imedinews.ge