თორნიკე ჭეიშვილი: არ შეიძლება ჩაითვალოს გამოხატვის თავისუფლებად ის შემთხვევა, როდესაც პირდაპირ უცენზურო გამონათქვამები, ლანძღვა-გინება შეიძლება გაისმოდეს თუნდაც საჯარო პირის მიმართ. ეს დაადასტურა სტრასბურგის სასამართლომ

იურიდიულ საკითხთა კომიტეტის თავმჯდომარის პირველი მოადგილე სტრასბურგის სასამართლოს გადაწყვეტილებას გამოეხმაურა.

თორნიკე ჭეიშვილმა აღნიშნა, რომ სტრასბურგის სასამართლომ ამ გადაწყვეტილებით კიდევ ერთხელ ცივი წყალი გადაავლო რადიკალებს.

„არავითარ შემთხვევაში არ შეიძლება ჩაითვალოს გამოხატვის თავისუფლებად ის შემთხვევა, როდესაც პირდაპირ უცენზურო გამონათქვამები, ლანძღვა-გინება შეიძლება გაისმოდეს თუნდაც საჯარო პირის მიმართ. ეს დაადასტურა სტრასბურგის სასამართლომ, რითაც კიდევ ერთხელ ცივი წყალი გადაავლო რადიკალებს და მათ უკან მდგომ შესაბამის ძალებს“, - აღნიშნა თორნიკე ჭეიშვილმა.

როგორც ცნობილია, სტრასბურგის სასამართლომ საქმეზე „მილაძე საქართველოს წინააღმდეგ“ გაიზიარა იუსტიციის სამინისტროს პოზიცია და დაადასტურა, რომ თანამდებობის პირთა მიმართ საჯაროდ გაკეთებული შეურაცხმყოფელი, დამამცირებელი და უცენზურო განცხადებები გამოხატვის თავისუფლებით დაცულ ფარგლებს სცდება.