თორნიკე ჭეიშვილი დაანონსებულ „კორძის“ კონცერტზე: დამოკიდებულება, რომ ევროკავშირი ახლა ამის დამფინანსებლად გვევლინება, თავისთავად შემაშფოთებელია

დამოკიდებულება, რომ ევროკავშირი ახლა ამის დამფინანსებლად გვევლინება, თავისთავად შემაშფოთებელია, - განაცხადა გარემოს დაცვის კომიტეტის თავმჯდომარემ თორნიკე ჭეიშვილმა ევროკავშირის მხარდაჭერით, სექტემბრის ბოლოსთვის დაანონსებული „კორძის“ კონცერტის თემის კომენტირებისას.

„როგორც ჩანს, მათ არ შეუცვლიათ ის მიდგომა, ის ხელწერა, რომელიც წარსულშიც ითვალისწინებდა ასეთი ტიპის დაფინანსებით სხვადასხვა კერის გაჩენას იმისთვის, რათა სამოქალაქო ჯგუფები ერთმანეთს დაპირისპირებოდნენ“, - აღნიშნა ჭეიშვილმა.

როგორც ცნობილია, ევროკავშირის მხარდაჭერით, დანიის კულტურის ინსტიტუტმა და „ხელოვნების სახლმა“ სექტემბრის ბოლოსთვის დააანონსა „კორძის“ კონცერტი. აღნიშნულის გამო „ქრონიკამ“ კითხვით მიმართა ევროკავშირის წარმომადგენლობას, კერძოდ, იზიარებს თუ არა ევროკავშირი მილიონზე მეტი ქართველის გინებაზე პასუხისმგებლობას. ასევე, კითხვით მიმართა დანიის კულტურის ინსტიტუტსა და „ხელოვნების სახლს“.