თორნიკე ჭეიშვილი: ნიკა გვარამიას განცხადება არის კიდევ ერთი გამოვლინება იმისა, თუ როგორ დაგეგმეს გარე აქტორების ჩართულობით მორიგი ანტისახელმწიფოებრივი კამპანია, რომელიც სამიზნეში იღებს გაცხადებულ სამშვიდობო კურსს

გარემოს დაცვისა და ბუნებრივი რესურსების კომიტეტის თავმჯდომარემ თორნიკე ჭეიშვილმა.„ქრონიკასთან“ ნიკა გვარამიას განცხადება შეაფასა, სადაც გვარამია ამბობს „ჩვენ და აფხაზებს ერთმანეთი არ გვიყვარს“.

„ნიკა გვარამიას განცხადება არის კიდევ ერთი გამოვლინება იმისა, თუ როგორ დაგეგმეს გარე აქტორების ჩართულობით მორიგი ანტისახელმწიფოებრივი კამპანია, რომელიც ამ შემთხვევაში სამიზნეში იღებს გაცხადებულ სამშვიდობო კურსს, სამშვიდობო პოლიტიკას, რომლის ერთგულიც არის ჩვენი ხელისუფლება.

ამ შემთხვევაში ისინი მაქსიმალურად ცდილობენ დააზიანონ ნდობის აღდგენის პროცესი. ზოგადად მათ პოლიტიკურ კონვულსიას მართებს ნებისმიერი ის პერსპექტივა, ნებისმიერი ის იმპულსი, რომელიც შეიძლება პოზიტიურად იყოს ასახული ჩვენს ქვეყანაში მშვიდობიანი გზით ტერიტორიული პრობლემატიკის გადაჭრაზე, - აღნიშნა ჭეიშვილმა.

სკანდალური განცხადებების შემდეგ, რომელიც ანტიაფხაზურად შეფასდა, პარტია „ახალის“ ლიდერი ნიკა გვარამია ამბობს, რომ „ჩვენ და აფხაზებს ერთმანეთი არ გვიყვარს“ და ტერიტორიული მთლიანობის აღდგენის საკითხში ევროკავშირი უნდა ჩაერთოს.