ტრამპი: აშშ-მა შესაძლოა კუნძულ ხარკზე კონტროლი დაამყაროს
იმედი|imedinews.ge
ნატოს სამიტზე ვოლოდიმირ ზელენსკისთან შეხვედრის წინ, აშშ-ის პრეზიდენტმა, დონალდ ტრამპმა ირანთან მიმდინარე დაპირისპირების შესახებ ისაუბრა.
ჟურნალისტის კითხვაზე, რამდენად ეფექტური იყო გასულ ღამეს განხორციელებული თავდასხმები, აშშ-ის პრეზიდენტმა უპასუხა, რომ შედეგი იყო „უზარმაზარი“.
„ჩვენ გასულ ღამეს თავს დავესხით კუნძულ ხარკს“, - განაცხადა ტრამპმა.
პრეზიდენტმა განმარტა, რომ თავდასხმისას გარკვეული შეზღუდვები დააწესა: „მე ვთქვი: ნავთობს ნუ შეეხებით, რადგან შესაძლოა კუნძულ ხარკზე კონტროლი ჩვენ დავამყაროთ. მათ ამის საწინააღმდეგოდ არაფრის გაკეთება არ შეუძლიათ. მე ვუთხარი, მილსადენებს ნუ დაარტყამთ, დაარტყით ყველაფერ დანარჩენს. ასეც მოიქცნენ“.
ტრამპის თქმით, შესაძლოა, თავდასხმები კუნძულზე დღეს ღამითაც გაგრძელდეს.
გაზიარება:
IM
იმედი
წყარო: imedinews.ge