ტრამპი ირანს ცეცხლის შეწყვეტის შესახებ შეთანხმების დარღვევაში ადანაშაულებს

აშშ-ის პრეზიდენტმა, დონალდ ტრამპმა განაცხადა, რომ ირანმა ჰორმუზის სრუტეში მიმავალი გემების მიმართულებით, სულ მცირე, ოთხი დრონი გაუშვა.

პრეზიდენტის ინფორმაციით, ინციდენტის შედეგად მოხდა ერთი გემის დაზიანება.

„ირანის ისლამურმა რესპუბლიკამ ჰორმუზის სრუტეში მიმავალი გემების მიმართულებით, სულ მცირე, ოთხი დრონი გაუშვა. ერთ-ერთი დრონი ზუსტად მოხვდა ძალიან ძვირადღირებული სატვირთო გემის ზედა გემბანს. მიყენებული იყო ზიანი, თუმცა გემმა გზის გაგრძელება შეძლო. ჩვენ ჩამოვაგდეთ დანარჩენი სამი დრონი“, - აღნიშნა ტრამპმა.

პრეზიდენტმა მომხდარს „უგუნური“ ქმედება უწოდა და ხაზი გაუსვა, რომ ეს არის ცეცხლის შეწყვეტის შესახებ არსებული შეთანხმების დარღვევა.

„ცხადია, ეს არის ჩვენი ცეცხლის შეწყვეტის შეთანხმების უგუნური დარღვევა“, - დასძინა აშშ-ის პრეზიდენტმა.