ტრამპი: კომუნიზმის „გაყიდვა“ ადვილია - მე ვიქნებოდი ისტორიაში უდიდესი კომუნისტი, მე ლენინსაც კი გავუტოლდებოდი
აშშ-ის პრეზიდენტმა, დონალდ ტრამპმა განაცხადა, რომ ის იქნებოდა „მსოფლიოში საუკეთესო კომუნისტი“ და ლენინის გვერდით იქნებოდა, რადგან კომუნიზმის იდეების „გაყიდვა“ ადვილია. ამის შესახებ მან თურქეთში, ნატოს სამიტზე გამართულ პრესკონფერენციაზე განაცხადა.
„მომისმინეთ, მე მინდა ჩემი სათქმელი მოგაწოდოთ, რადგან ის, რაც ახლა ქვეყანაში ყალიბდება, არის კომუნიზმი, კომუნიზმის „გაყიდვა“ კი ადვილია. მე ვიქნებოდი ისტორიაში უდიდესი კომუნისტი. მე ლენინსაც კი გავუტოლდებოდი“, - განაცხადა ტრამპმა.
„გეტყვიან, რომ გექნებათ საცხოვრებლის უფასო იჯარა სიცოცხლის ბოლომდე. რასაც ისინი არ გეუბნებიან, არის ის, რომ 12 თვის შემდეგ სიღატაკეში იცხოვრებთ. გექნებათ უფასო სახლი. ვინმეს სურს უფასო სახლის მიღება? ჩვენ მას ვიღაცას წავართმევთ და თქვენ გადმოგცემთ. ირგვლივ ყველგან მკვლელობები იქნება. კომუნიზმი კატასტროფაა. ეს ათასწლეულების განმავლობაში, სხვადასხვა სახელწოდებით მტკიცდებოდა, მაგრამ არსი უცვლელი რჩება“, - დასძინა მან.
იმედი
წყარო: imedinews.ge