ტრამპმა რუკის ფოტო გამოაქვეყნა, რომელზეც ნიუ-მექსიკოს „ნიუ ამერიკა“ უწოდა

აშშ-ის პრეზიდენტმა დონალდ ტრამპმა გამოაქვეყნა ფოტო, რომელზეც ამერიკის შტატს ნიუ-მექსიკოს „ნიუ-ამერიკა“ (ახალი ამერიკა) გადაარქვა.

Truth Social-ზე გამოქვეყნებულ ფოტოზე, რომელიც თეთრმა სახლმა X-ზეც გააზიარა, ნაჩვენებია შტატის კონტური, სადაც სიტყვა „Mexico“ წითლადაა გადახაზული და ჩანაცვლებულია სიტყვით „America“. სურათს არანაირი განმარტება არ ახლდა. თეთრ სახლს ნიუ-მექსიკოსთვის სახელის გადარქმევის ინიციატივა ოფიციალურად არ გამოუცხადებია.

CNN-ი განმარტავს, რომ ტრამპს არ გააჩნია კონსტიტუციური ბერკეტი შტატებს ოფიციალურად შეუცვალოს სახელი - ეს პროცესი უშუალოდ შტატის შიგნით უნდა განხორციელდეს.

გასული თვის ბოლოს, სისტემაში ონტარიოს ტბის სახელწოდების შეცვლის გარდა, ტრამპმა თანამდებობაზე დაბრუნების პირველივე დღეს, 2025 წლის იანვარში, აღმასრულებელი განკარგულებით მექსიკის ყურესაც „ამერიკის ყურე“ უწოდა.

ამ პოსტის საპასუხოდ, ნიუ-მექსიკოს დემოკრატმა გუბერნატორმა, მიშელ ლუჰან გრიშემმა ტრამპი ამერიკელების ყურადღების გადატანის მცდელობაში დაადანაშაულა და ხაზგასმით აღნიშნა, რომ „ნიუ-მექსიკოს სახელი განხილვის საგანი არ არის“.