ცოტნე ანანიძე: სახელმწიფო დაცვის სპეციალური სამსახური ქვეყნის უსაფრთხოების, სტაბილურობის უმნიშვნელოვანესი გარანტია, გილოცავთ დაარსებიდან 32-ე წლისთავს
სახელმწიფო დაცვის სპეციალური სამსახურის თანამშრომლებს უწყების დაარსების 32 წლისთავი აჭარის უმაღლესი საბჭოსა და მთავრობის თავმჯდომარეებმა: ცოტნე ანანიძემ, ზურაბ პატარაძემ და სამსახურის უფროსმა, ანზორ ჩუბინიძემ მიულოცეს.
„სახელმწიფო დაცვის სპეციალური სამსახური უკვე 32 წელია პროფესიონალიზმითა და ერთგულებით იცავს სახელმწიფო ინსტიტუტების უსაფრთხო ფუნქციონირებას. თანამედროვე გამოწვევების პირობებში,
მისი საქმიანობა სახელმწიფო ინსტიტუტების უსაფრთხოების შესაბამისად, ქვეყნის სტაბილურობის უმნიშვნელოვანესი გარანტია. ვულოცავ უწყების ხელმძღვანელსა და ყველა თანამშრომელს. წარმატებები თქვენ და საქართველოს“, - განაცხადა აჭარის უმაღლესი საბჭოს თავმჯდომარემ, ცოტნე ანანიძემ სიტყვით გამოსვლისას.
ღონისძიებაზე სამსახურეობრივი მოვალეობის პირნათლად შესრულებისთვის დაჯილდოვდნენ სახელმწიფო დაცვის სპეციალური სამსახურის თანამშრომლები, ამასთან, ხაზგასმით აღინიშნა, რომ ძლიერი, დინამიური და მაღალკვალიფიციური პროფესიონალებისგან შემდგარი სტრუქტურის საქმიანობა სასიცოცხლოდ მნიშვნელოვანია ქვეყნის ნორმალური, უსაფრთხო და სტაბილური ფუნქციონირებისთვის.
იმედი
წყარო: imedinews.ge