ურსულა ფონ დერ ლაიენი: გრენლანდია ევროკავშირთან ურთიერთობების განმტკიცების აშკარა არჩევანს აკეთებს
გრენლანდია ევროკავშირთან ურთიერთობების განმტკიცების აშკარა არჩევანს აკეთებს, - განაცხადა ევროკომისიის პრეზიდენტმა, ურსულა ფონ დერ ლაიენმა.
პარალელურად, ბრიუსელმა 200-მილიონიანი საინვესტიციო პაკეტი წარადგინა და არქტიკაში საკუთარი პოლიტიკური, ეკონომიკური და უსაფრთხოების პოზიციების გაძლიერებას შეუდგა.
ნუუკში, გრენლანდიის პრემიერ-მინისტრ იენს-ფრედერიკ ნილსენთან და დანიის პრემიერ-მინისტრ მეტე ფრედერიკსენთან ერთად გამოსვლისას, ფონ დერ ლაიენმა ეს ურთიერთობა ორმხრივ პარტნიორობად შეაფასა.
მისი თქმით, ევროკავშირსა და გრენლანდიას შორის განახლებული დეკლარაცია „გამოხატავს გრენლანდიის აშკარა არჩევანს, განამტკიცოს ევროკავშირთან ურთიერთობა“, ხოლო მეორე მხრივ, ადასტურებს ევროპის მზაობას, „უფრო აქტიურად იყოს წარმოდგენილი“ და ჩართული როგორც გრენლანდიაში, ისე არქტიკის რეგიონში.
იმედი
წყარო: imedinews.ge