ურსულა ფონ დერ ლაიენი: როდესაც „გალილეო“ პირველად შემოგვთავაზეს, ზოგიერთი კითხულობდა, რატომ სჭირდებოდა ევროპას საკუთარი სისტემა, როდესაც GPS უკვე არსებობდა, მაგრამ ევროპის ლიდერებს ესმოდათ, რომ ზოგიერთი შესაძლებლობა იმდენად მნიშვნელოვანია, რომ მათზე სხვებზე დამოკიდებულება დაუშვებელია - იგივე არჩევანი კვლავ ჩვენს წინაშეა, რადგან კოსმოსი ახალ ეპოქაში შედის

როდესაც „გალილეო“ პირველად შემოგვთავაზეს, 25 წელზე მეტი ხნის წინ, რა თქმა უნდა, ზოგიერთი კითხულობდა, საერთოდ რატომ სჭირდებოდა ევროპას საკუთარი სისტემა, როდესაც GPS უკვე არსებობდა, მაგრამ ევროპის ლიდერებს ესმოდათ, რომ ზოგიერთი შესაძლებლობა იმდენად მნიშვნელოვანია, რომ მათზე სხვებზე დამოკიდებულება დაუშვებელია, - განაცხადა ევროკომისიის პრეზიდენტმა პარიზში, კოსმოსის საკითხზე პირველ საერთაშორისო სამიტზე სიტყვით გამოსვლისას.

ურსულა ფონ დერ ლაიენმა აღნიშნა, რომ ევროპის წინაშე ახლა იგივე არჩევანია, რადგან კოსმოსი ახალ ეპოქაში შედის.

„ჩვენ განვიხილავთ იმ ინოვაციებს, რომლებიც ახლა ჩვენს ზემოთ, ჩვენს ორბიტებზე მიმდინარეობს, რადგან ამ საუკუნის დასაწყისიდან კოსმოსზე დაფუძნებულმა შესაძლებლობებმა ჩვენი ყოველდღიური ცხოვრება გარდაქმნა. ევროპა ამ ტრანსფორმაციის ცენტრში იყო. ამას ვხედავთ იმ შესაძლებლობებში, რომლებიც ერთად შევქმენით და იმ განსხვავებაში, რომელიც მათ ადამიანების ცხოვრებაში შეაქვთ.

მაგალითად, ამ ზაფხულს, როდესაც ევროპის მასშტაბით და მის ფარგლებს გარეთ საგანგებო სიტუაციების სამსახურები ტყის ხანძრებზე რეაგირებისთვის სასწრაფოდ მიემართებოდნენ, ევროპის კოპერნიკის სისტემა მათ დასახმარებლად მზად იყო და ეს მხოლოდ ერთი მაგალითია. და კოპერნიკი მარტო არ არის. „გალილეოს“ მსოფლიოში 4 მილიარდზე მეტი მოწყობილობა იყენებს. როდესაც „გალილეო“ პირველად შემოგვთავაზეს, 25 წელზე მეტი ხნის წინ, რა თქმა უნდა, ზოგიერთი კითხულობდა, საერთოდ რატომ სჭირდებოდა ევროპას საკუთარი სისტემა, როდესაც GPS უკვე არსებობდა, მაგრამ ევროპის ლიდერებს ესმოდათ, რომ ზოგიერთი შესაძლებლობა იმდენად მნიშვნელოვანია, რომ მათზე სხვებზე დამოკიდებულება დაუშვებელია.

ამიტომ მათ აირჩიეს, ერთად აეშენებინათ ის, რასაც ვერც ერთი წევრი სახელმწიფო მარტო ვერ შექმნიდა. იგივე არჩევანი კვლავ ჩვენს წინაშეა, რადგან კოსმოსი ახალ ეპოქაში შედის“, - განაცხადა ევროკომისიის პრეზიდენტმა.

პარიზში მიმდინარე სამიტში პრეზიდენტ მაკრონის მიწვევით, მონაწილეობს საქართველოს დელეგაცია პრემიერ-მინისტრის ხელმძღვანელობით. „სამიტი ეხება გლობალური უსაფრთხოებისთვის მნიშვნელოვან თემას, საქართველო არის ჩართული სხვადასხვა საერთაშორისო პლატფორმაზე შესაბამისი გადაწყვეტილებების მიღებაში", - განაცხადა ირაკლი კობახიძემ მედიასთან.