ვაჟა სირაძე: სტატისტიკა ცხადყოფს, რომ ყოველწლიურად მკვლელობების შემთხვევების რაოდენობა მკვეთრად მცირდება. მაგალითისთვის, ბოლო სამი წლის განმავლობაში მომხდარი მკვლელობების ფაქტები დაახლოებით სამჯერ ნაკლებია, ვიდრე 2012 წლამდე პერიოდში
სტატისტიკა ცხადყოფს, რომ ყოველწლიურად მკვლელობების შემთხვევების რაოდენობა მკვეთრად მცირდება, - განაცხადა თბილისის პოლიციის დეპარტამენტის დირექტორმა, ვაჟა სირაძემ.
ვაჟა სირაძის თქმით, ბოლო სამი წლის განმავლობაში მომხდარი მკვლელობების ფაქტები დაახლოებით სამჯერ ნაკლებია, ვიდრე 2012 წლამდე პერიოდში.
„შინაგან საქმეთა სამინისტროს საპოლიციო დანაყოფები მთელი ქვეყნის მასშტაბით 24 საათიან რეჟიმში მუშაობენ დანაშაულის პრევენციის, მომხდარი ფაქტების სწრაფი და ეფექტიანი გამოძიების და დამნაშავე პირების სისხლის სამართლებრივ პასუხისგებაში მიცემის უზრუნველსაყოფად.
სწორედ ამის შედეგია, მიმდინარე წელს მომხდარი 31 მკვლელობის ფაქტიდან 31-ვე გახსნილია, რაც ას პროცენტიან გახსნის მაჩვენებელს ნიშნავს. ამასთან, სტატისტიკა ცხადყოფს, რომ ყოველწლიურად მკვლელობების შემთხვევების რაოდენობა მკვეთრად მცირდება.
მაგალითისთვის, ბოლო სამი წლის განმავლობაში მომხდარი მკვლელობების ფაქტები დაახლოებით სამჯერ ნაკლებია, ვიდრე 2012 წლამდე პერიოდში.
ჩვენი მთავარი ამოცანა საზოგადოებრივი წესრიგის დაცვა და თითოეული მოქალაქის უსაფრთხოების უზრუნველყოფა. ამ მიზნის მისაღწევად, შინაგან საქმეთა სამინისტრო ყოველდღიურად უწყვეტ რეჟიმში განაგრძობს მუშაობას, რათა უფრო ეფექტიანად მოხდეს დანაშაულის პრევენცია და მათზე სწრაფი რეაგირება“, - აღნიშნა მან.
რატი იონათამიშვილი: ის ხალხი, ვინც დღეს კრიმინალზე პროპაგანდირებს, რეალურად წარმოადგენს წინა ხელისუფლებას, რომლის დროსაც მართლაც რომ კატასტროფული სიტუაცია იყო. ქვემოთ მოცემული ბანერი ასახავს მკვლელობის სტატისტიკას და კარგად ჩანს, რომ დღეს საქართველოში ეს უმძიმესი დანაშაული მინიმუმამდეა დაყვანილი, ხოლო განხსნის მაჩვენებელი, პრაქტიკულად 100% უტოლდება
იმედი
წყარო: imedinews.ge