ვახო სანაიას ადმინისტრაციული სამართალდარღვევის ოქმის განხილვა გადაიდო

ჟურნალისტ ვახო სანაიას ადმინისტრაციული სამართალდარღვევის ოქმის განხილვა გადაიდო.

მას სიძლვილის ენის წინააღმდეგ ბრძოლის სამმართველო პოლიტიკური თანამდებობის პირების შეურაცხყოფას ედავება.

ვახო სანაიას უწყება ჩაბარდა, თუმცა სასამართლო პროცესზე არ გამოცხადდა. მოსამართლემ მას საზოგადოებრივი ადვოკატი დაუნიშნა.

„ჩანიშნული იყო ვახტანგ სანაიას საქმის განხილვა, რომელმაც სიტყვიერი შეურაცხყოფა მიაყენა სახელმწიფო პოლიტიკური თანამდებობის პირს, ბატონ შალვა პაპუაშვილს ადა ვლადიმერ ბოჟაძეს. ეს გახლავთ მესამე ფაქტი, რაზეც რეალურად სასამართლო იმსჯელებს და ყველა შემთხვევაში ეს არის სახელმწიფო პოლიტიკური თანამდებობის პირის შეურაცხყოფდა. იგი სახდელდადებულია და მას ჯარიმები გადახდილი არ აქვს.

მან, სოციალურ სივრცეში გამოაქვეყნე პოსტი, სადაც მიუთითებს, რომ ჯარიმის გადახდას არ აპირებს. ვინაიდან მუხლი სახდელის სახით ითვალისწინებს პატიმრობას, სასამართლომ საჭიროდ ჩათვალა დაენიშნა სავალდებულო დაცვა და ამ შემთხვევაში გადადო საქმის განხილვა იმისთვის, რომ ადვოკატი ჩაერთოს საქმის განხილვაში“, - განაცხადა შინაგან საქმეთა სამინისტროს იურისტმა მარიამ კერესელიძემ.