ვალერი ზალუჟნი: უკრაინამ რუსეთის წინააღმდეგ საბრძოლო შეიარაღების გამოყენების რესურსი ამოწურა

უკრაინის შეიარაღებული ძალების ყოფილი მთავარსარდლის, ამჟამად დიდ ბრიტანეთში ელჩის ვალერი ზალუჟნის განაცხადებით, უკრაინამ რუსეთის წინააღმდეგ თითქმის ყველა სახის შეიარაღება გამოიყენა. რუსები ყველაფერს დაუპირისპირდნენ და ამჯერად კიევს რესურსი ამოწურული აქვს.

„2026 წელს უკრაინამ გამოიყენა ყველა სახის შეიარაღება, Tomahawk-ების, ბირთვული იარაღის, ავიამზიდებისა და F-35-ის გარდა, რომელიც ნატოს აქვს შეიარაღებაში. უკრაინამ აგრეთვე გამოიყენა ნატოს დოქტრინები. რესურსი ამოწურულია. ამ ყველაფერს რუსეთი დაუპირისპირდა“, - განაცხადა ზალუჟნიმ.

მან აგრეთვე აღნიშნა, რომ ნატო მოძველებული დოქტრინით ხელმძღვანელობს, რომელიც მეორე მსოფლიო ომის დასასრულის რეალიებზეა მორგებული, ხოლო უკრაინა ტექნოლოგიურად უფრო წინ არის.

„სამეცნიერო-ტექნიკურმა პროგრესმა და ომმა, რომელიც გრძელდება, უკრაინის შეიარაღებული ძალები ახალ საფეხურზე აიყვანა. შესაბამისად, ახლა ნატოს სხვა გამოსავალი არ აქვს, გარდა იმისა, რომ ახალ სტანდარტებზე გადავიდეს, რათა ახალი დოქტრინა მიიღოს. მაშინ ნატო უკრაინის გასაწევრიანებლად მზად იქნება. მე უკვე ვთქვი, რომ ჩვენ აბსოლუტურად ახალი სამხედრო ბლოკი გვჭირდება, რომელიც ტერიტორიულად ევროპაზე იქნება მიბმული“, - დასძინა მან.