ვატო შაქარიშვილი: საქართველოს მოსახლეობამ უნდა იცოდეს და შეეძლოს აწონ-დაწონვა, გაზომვა იმისა, რას გვაძლევს ჩვენ ევროკავშირისკენ სვლა და რა ფასის გადახდას მოითხოვენ

საქართველოს მოსახლეობამ უნდა იცოდეს და შეეძლოს აწონ-დაწონვა, გაზომვა იმისა, რას გვაძლევს ჩვენ ევროკავშირისკენ სვლა და რა ფასის გადახდას მოითხოვენ, - განაცხადა გადაცემაში „ღია ეთერი - დებატები“ „ერთიანი ნეიტრალური საქართველოს” აღმასრულებელმა მდივანმა ვატო შაქარიშვილმა.

შაქარიშვილის თქმით, ევროკავშირი საერთოდ აღარ არის ის სივრცე, რომელიც 15-20 წლის წინ ჩანდა.

„საქართველოს მოსახლეობამ უნდა იცოდეს და შეეძლოს აწონ-დაწონვა, გაზომვა იმისა, რას გვაძლევს ჩვენ ევროკავშირისკენ სვლა და რა ფასის გადახდას მოითხოვენ. ევროკავშირი საერთოდ აღარ არის ის სივრცე, რომელიც 15-20 წლის წინ ჩანდა. ეს არის დეგრადაციის შეუქცევად პროცესში მყოფი გაერთიანება. დეგრადაციის ეს პროცესი არ დაწყებულა რუსეთ-უკრაინის ომის შემდეგ. ეს ბევრად უფრო ადრე დაიწყო, უბრალოდ რუსეთ-უკრაინის ომმა ეს ყველაფერი ზედაპირზე ამოიტანა“, - აღნიშნა მან.