ვაზისუბნის მაჟორიტარი დეპუტატი ვაზისუბნის რამდენიმე კვარტალში კორპუსების მიმდებარედ მიმდინარე სამუშაოებს გაეცნო

ვაზისუბნის მაჟორიტარი დეპუტატი, ისნის რაიონის გამგებლის მოადგილესთან ერთად, ვაზისუბნის რამდენიმე კვარტალში კორპუსების მიმდებარედ მიმდინარე სამუშაოებს გაეცნო. ისნის რაიონის გამგეობის ინფრასტრუქტურული პროექტის ფარგლებში, მოხდება საცხოვრებელ უბნებში მდებარე ავტოფარეხების დემონტაჟი - მიზანი ტერიტორიის გათავისუფლება და მისი თანამედროვე რეკრეაციულ და ნაწილობრივ საპარკინგე სივრცედ ეტაპობრივი გარდაქმნაა.

ტერიტორიაზე დაახლოებით 18 ავტოფარეხის დემონტაჟი განხორციელდება, რის შემდეგადაც 2000 კვ.მ ფართობზე კეთილმოეწყობა დასასვენებელი და ბავშვთა გასართობი სივრცეები, დამონტაჟდება საპარკო ინფრასტრუქტურა.