ზაზა შათირიშვილი: ერის სუვერენიტეტი არის მუდმივი რეფერენდუმი, რომელიც დროსა და სივრცეში არ მთავრდება
ერის სუვერენიტეტი არის მუდმივი რეფერენდუმის რომელიც დროსა და სივრცეში არ მთავრდება, - განაცხადა ფილოსოფოსმა ზაზა შათირიშვილმა გადაცემაში „იმედის კვირა“ სუვერენიტეტისთვის საქართველოს ბრძოლაზე საუბრისას.
„მერაბ მამარდაშვილი ამბობდა, ეს არის დროში ძალისხმევა, ანუ სულ დაცვა სჭირდება ამას. რომ ვთქვათ, როდემდე? არ არსებობს ბოლო ვადა, ყოველთვის უნდა დაიცვა. ერნესტ რენანი ამბობდა, ერის დამოუკიდებლობა არის მუდმივი რეფერენდუმი. ერის სუვერენიტეტი არის მუდმივი რეფერენდუმი, რომელიც დროსა და სივრცეში არ მთავრდება”, - აღნიშნა ფილოსოფოსმა.
მან მსოფლიოში მიმდინარე პროცესებზე, მათ შორის, კონკრეტულ სახელმწიფოებზე განხორციელებულ წნეხზეც ისაუბრა.
„რასაც ჩვენ ვხედავთ რეალურად, ეს არის გლობალიზმის დაპირისპირება ნაციონალურ სახელმწიფოებთან, ნაციონალური კულტურის იდეასთან. გადარჩება ის, ვისაც აქვს იმუნიტეტი და ძალა. ხალხის როლი არის ძალიან დიდი. ასეთი მაგალითი მოვიყვანოთ, პატრიარქის დასაფლავება - ის 5 დღე ჩვენ ამას ვუყურებდით, ამაში ვმონაწილეობდით და ვნახეთ, რომ ეს არა უბრალოდ 5 დღე, არამედ ეს არის დაკრისტალებული საქართველოს ისტორია, საქართველოს პილიგრიმობა დროსა და სივრცეში. ამ 5 დღეში გზა წმინდა ნინოდან დღემდე ჩვენ თავიდან გავიარეთ”, - განაცხადა ზაზა შათირიშვილმა.
