ზელენსკი: რუსეთმა სხვადასხვა მეთოდით დამატებითი მობილიზაცია ფაქტობრივად უკვე დაიწყო
უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთმა სხვადასხვა მეთოდით დამატებითი მობილიზაცია ფაქტობრივად უკვე დაიწყო.
მისი თქმით, აგრესორი ქვეყანა ასევე გეგმავს უცხოელი მოქალაქეების ჩართულობის გაზრდასაც.
ზელენსკის განცხადებით, მან უკრაინის თავდაცვის სამინისტროს დაზვერვის მთავარი სამმართველოსგან მიიღო ანგარიში იმ ზომების შესახებ, რომელთა გატარებასაც რუსეთი მომავალში გეგმავს.
უკრაინის პრეზიდენტმა ხაზგასმით აღნიშნა, რომ მნიშვნელოვანია იმ ქვეყნების მთავრობებმა, საიდანაც რუსეთი თავის არმიაში ხალხს იბირებს, ამ პროცესს წინააღმდეგობა გაუწიონ. მან პირობა დადო, რომ თითოეულ ასეთ მთავრობას დეტალურ ინფორმაციას მიაწვდიან.
ამასთან, უკრაინის პრეზიდენტმა ისაუბრა რუსეთის რიგებში ჩრდილოეთ კორეელი სამხედროების მზარდ რაოდენობაზეც.
მისი მონაცემებით, ამჟამად რუსეთის ტერიტორიაზე 8 ათასზე მეტი ჩრდილოეთ კორეელი ჯარისკაცი იმყოფება. გარდა ამისა, მზადდება კიდევ 10-ათასიანი კონტინგენტის განლაგება.
იმედი
წყარო: imedinews.ge