ზუგდიდში საგზაო ინფრასტრუქტურის სამუშაოებს სახელმწიფო რწმუნებული და მერი გაეცნენ
ზუგდიდის მუნიციპალიტეტში საგზაო ინფრასტრუქტურის მოწყობა აქტიურად მიმდინარეობს, - ინფორმაციას ზუგდიდის მუნიციპალიტეტის მერია ავრცელებს.
უწყების ცნობით, სამეგრელო-ზემო სვანეთის სახელმწიფო რწმუნებული დავით ვერავა და ზუგდიდის მერი დავით კოდუა, წერეთლის ქუჩის III შესახვევში მიმდინარე სარეაბილიტაციო სამუშაოებს ადგილზე გაეცნენ.
მერის განცხადებით, მუნიციპალიტეტში ეტაპოვრივად ხორციელდება როგორც ქალაქის, ასევე სოფლის შიდა და დამაკავშირებელი გზების რეაბილიტაცია.
„ჩვენი მთავარი მიზანია მოსახლეობისთვის უსაფრთხო, კომფორტული და თანამედროვე სტანდარტების შესაბამისი ინფრასტრუქტურის შექმნა. ეტაპობრივად ხორციელდება, როგორც ქალაქის შიდა საუბნო გზების, ასევე სოფლების შიდა და დამაკავშირებელი გზების რეაბილიტაცია“, - აღნიშნა დავით კოდუამ.
წერეთლის ქუჩაზე გზასთან ერთად ეწყობა სანიაღვრე სისტემა და ეზოებში მისასვლელები.
პროექტი საქართველოს რეგიონებში განსახორციელებელი პროექტების ფონდიდან და ზუგდიდის მერიის თანადაფინანსებით ხორციელდება.
იმედი
წყარო: imedinews.ge