ზურაბ აბაშიძე: დღეს არის ანდრია პირველწოდებულის ხსენების დღე. სიმბოლურია, რომ სწორედ დღევანდელ დღეს მოხდა პატრიარქის აღსაყდრება
„დღეს, როდესაც არის ანდრია პირველწოდებულის ხსენების დღე, სიმბოლურია, რომ სწორედ დღევანდელ დღეს მოხდა პატრიარქის აღსაყდრება“, - განაცხადა თბილისის საკრებულოს თავმჯდომარემ ზურაბ აბაშიძემ უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის შიო III-ის სვეტიცხოვლის ტაძარში ინტრონიზაციის დასრულების შემდეგ.
მისი თქმით, ისტორიული დღის მომსწრენი ვართ.
„ისტორიული დღეა დღეს ჩვენს ცხოვრებაში. ძალიან მნიშვნელოვანია ასევე, რომ დღეს, როდესაც არის 12 მაისი, არის ანდრია პირველწოდებულის ხსენების დღე და მისი შემოსვლის დღე, დღეს მოხდა პატრიარქის აღსაყდრება, ინტრონიზაცია, რაც სიმბოლურია. ვულოცავ სრულიად საქართველოს, ყველა მართლმადიდებელ ქრისტიანს და საქართველოში მცხოვრებ ყველა მოქალაქეს იმიტომ, რომ პატრიარქი აერთიანებს მთელს საქართველოს“, - განაცხადა ზურაბ აბაშიძემ.
იმედი
წყარო: imedinews.ge