ზვიად შალამბერიძე რასა იუკნევიჩიენეს ანგარიშზე: ალბათ მიხვდებიან ეს ადამიანები, რომ რეზოლუციები, რომლებსაც სხვადასხვა ქვეყნის წინააღმდეგ იღებენ, არ შეესაბამება სიმართლეს
ალბათ მიხვდებიან ეს ადამიანები [ევროპარლამენტარები], რომ რეზოლუციები, რომლებსაც სხვადასხვა ქვეყნის წინააღმდეგ იღებენ, არ შეესაბამება სიმართლეს, - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ ზვიად შალამბერიძემ „დღის ქრონიკაში“.
წამყვანმა კითხვა დაუსვა რასა იუკნევიჩიენეს ანგარიშზე, სადაც სამი დამოუკიდებელი ტელეკომპანიის სანქცირებაზეც არის საუბარი.
„ეს [ანგარიში] იყო მაშველი რგოლი ჩვენი განულებული ოპოზიციისთვის. გვევლინებიან თავისუფალი მედიის დახურვის ინიციატორებად და ერთის მხრივ ადამიანის უფლებების დაცვაზე საუბრობენ, მედიის თავისუფლებაზე და მეორეს მხრივ ასანქცირებენ „იმედს“, POSTV-ს და საუბრობენ, რომ „რუსთავი 2“-იც უნდა დასანქცირდეს. საბოლოოდ ალბათ მიხვდებიან ეს ადამიანები [ევროპარლამენტარები], რომ რეზოლუციები, რომლებსაც სხვადასხვა ქვეყნის წინააღმდეგ იღებენ, არ შეესაბამება სიმართლეს“, - აღნიშნა შალამბერიძემ.
იმედი
წყარო: imedinews.ge